Båt

Trerøring frå Grønnes, gnr. 11/1 Molde kommune.

Etter tradisjonen er båten bygd av Peder Sivertsen Havnen Grønnes (1815-1908). Han var son til Sivert Klokker! (Havnen, gnr. 51/1) og døypt 10.7.1815. Konfirmert 1830 med «meget god «kundskab og opførsel». Han gifta seg med Kristianna Amundsen Grønnes f. 1828, den 3. juni 1850. I klokkarboka står Ungkarl og Baadbygger Peder Sivertsen Havnen. Det er litt sjeldan at slike yrkestitlar kjem så klart fram som her. Dei breie borda er skorne med handsag.

I folketeljingane for 1865 og 1875 står berre «Gårdbruger og selveier», i 1891 «familiens overhode» m/ 5 tenarar, 2 gutar og 3 jenter.

1900: Kårmand, føderåd, kapitalist. Jordbrukseier. Han som overtok garden er nemnt som «skogbruker».

Finn ikkje dødsfallet til Peder eller Kristianna, men pantebok 31 – 22 viser at Kristianna døydde som enke 1910. 1908 er sikkert rett for Peder.

Sjå elles Romsdalsmuseets årbok 1990, s. 50 og Arnold Solemdal: Bygdebok for Vågane. 1992, s. 122

I Romsdalsmuseets årbok 2010, s. 263-271 har Øyvind Vestad ein grundig omtale av sjølve båten og det handverksmessige arbeidet som ligg bak. Artikkelen har tittelen «Trerøring frå Grønnes» og vart skriven i samband med at det var bygd ein kopi ved Geitbåtverksstaden i Valsøyfjorden i åra 2005-2007.

(Bjørn Austigard 2023)

Aksesjon: 1954

Produksjon: 1860 (Etter tradisjonen er båten bygd ca. 1860.)

• Adresse,Norge Møre og Romsdal Bolsøy Grønnes gnr/bnr 11.001
• YrkeBåtbygger
• KjønnMann
• NasjonalitetNorsk
• DigitaltMuseumSøk i «Havnen, Peder Sivertsen Grønnes»