Rullestol til barn. I tre og metall. Til å køyre (handtak framme) av ein annan person enn den som sit i stolen. To par hjul (store framme, små bak), fotstøtte og armlener. Vinkel på rygglene kan regulerast i tre trinn. Spinkle (smale) hjulringar (felgar).
Øvre del (sitteplata med rygglene, armlener og fotstøtte og handtaka) i tr...
Rullestol til barn. I tre og metall. Til å køyre (handtak framme) av ein annan person enn den som sit i stolen. To par hjul (store framme, små bak), fotstøtte og armlener. Vinkel på rygglene kan regulerast i tre trinn. Spinkle (smale) hjulringar (felgar).
Øvre del (sitteplata med rygglene, armlener og fotstøtte og handtaka) i tre.
Nedre del (og bøyle med reguleringstrinn bak rygg) i metall (utan hjulringane som er i tre, men med metall skoning rundt). Spilar og akslingar i hjula av metall.
Fotstøtte i tre, som kan vippast opp og ned. Ryggen kan stillast i tre stiller (metall bøyle). I ryggen er innfelt dekorativt forma bøygde tremateriale.
Rullestolen, frå 1912, har vore brukt av Kristine Ragnhild Aarseth (1911-1973). Kristine vart kalt "Molla" av alle.
Molla var fødd med funksjonsnedsetting (m.a. cerebral parece). Ho budde heile livet på bruket Aarset, (garden Hamre), i Bremanger kommune (Davik) i Nordfjord.
Molla lærte seg å gå då ho var fire år, fortare enn nokon hadde trudd. Sjølv om ho gjekk ustøtt, var ho glad i å gå og gjekk rimeleg godt. Truleg var rullestolen i bruk berre då ho var barn.
Molla byrja seinare på skule enn andre, men lærte seg å lese og skrive.
Molla gjekk to år på Sophies Minde skule (Oslo).
Vi veit ikkje kor rullestolen kjem i frå, kven som har laga den eller kor den er laga. Det står skrive "Aarseth 1912" med handskrift på undersida av setet.
Aksesjon: November 8, 2024
Innkomst til museet
Bruk: 1912
Truleg i bruk i nokre år, men usikkert kor lenge (sjå fritekst historikk)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».