På loftet i nybyggarstova er det mange gamle Amerikakoffertar, og i ein av desse finn vi ei samling brev. Vesle Johanna har skrive heim til farmor og fortel om den lange reisa over havet og i prærielandskapet før familien endeleg kjem fram til sin nye heim i Minnesota..

Borna får prøve seg på ulike aktivitetar i husa på prærien og utanfor. I skulehuset får dei prøve seg som elevar i gamle dagar, utanfor finn dei gull i gullgravarbenkane. Det er mykje rart å leike med på prærien, mellom anna tønner, tønnebånd og lasso.

På Vestnorsk Utvandringssenter får borna leike og utforske området og bli kjend med historia samstundes.