DigitaltMuseum School

Barndom på 1800-talet

Sunnfjord Museum

Photographer: Henning A. Hellebust

Korleis var det å vere barn på 1800-talet? Med utgangspunkt i nokre av husa i museumstunet og aktivitetar, skal elevane få eit innblikk i korleis det kunne vere å bu og leve på denne tida, i sunnfjordbygdene. Elevane får mellom anna prøve å bære vatn med vassele og kverne korn. Opplegget kan kombinerast med tilbodet "Skulen i gamle dagar".

Maximum attendees

Place

Sunnfjord museum, Jølstravegen, Mo, Norge se kart

Duration

Ca. 2 timar

Time period

Tirsdagar, onsdagar og torsdagar i vekene 17, 18 og 19

Cost

Free

Other info

Les viktig melding til lærar

Competency goals

Inneholder læringsmål for:

1. - 2. trinn: Samfunnsfag (SAF01-04)
3. - 4. trinn: Samfunnsfag (SAF01-04)
5. - 7. trinn: Samfunnsfag (SAF01-04)

Samfunnsfag (SAF01-04)

grades 1 - 2

utforske og presentere korleis menneska levde for éin til to menneskealdrar sidan
utforske og beskrive kulturminne og kultur- og naturlandskapet i nærmiljøet
utforske og gi døme på korleis menneska påverkar klimaet og miljøet, og dokumentere korleis påverknadene kjem til syne i nærmiljøet

grades 3 - 4

beskrive kultur- og naturlandskap i Noreg og samtale om korleis historiske og geografiske kjelder, inkludert kart, kan gi informasjon om landskap
utforske kulturminne og korleis menneska levde i den tida kulturminna er frå, og samanlikne med korleis vi lever i dag

grades 5 - 7

utforske korleis menneske i fortida livnærte seg, og samtale om korleis sentrale endringar i livsgrunnlag og teknologi har påverka og påverkar demografi, levekår og busetjingsmønster
reflektere over korleis møte mellom menneske har bidrege til å endre korleis menneske har tenkt og ulike samfunn har vore organiserte

Show competency goals

Rom for undring og dialog. Gjenstandar vi ser, og refleksjonar kring korleis vi bur og lever i dag. *Photographer: Henning A. Hellebust*

Pedagogisk gjennomføring

Elevane møter museumspedagogen som skal vere saman med gruppa. Vi går i samla flokk ned i tunet. Her får elevane sjå og høyre om klyngetunet og gardslivet. Vi besøker Østenstadstova, ei røykstove frå 1500-talet, men som er innreidd slik ho såg ut på 1800-talet. Her får elevane sjå og høyre mier om korleis det kunne vere å bu i ei slik stove. Kva ser vi, og korleis bur vi i dag? Etter runden i tunet, skal elevane få gjere ulike oppgåver som ville vere vanlege på denne tida: - Bære vatn med vassele (lærerstyrt) - kverne korn med handkvern (lærerstyrt) - karde ull med karder (museumspedagog styrer aktiviteten)

Klassen må delast i tre grupper (lærar gjer dette før besøket), og vi rullerer mellom stasjonar slik at alle får prøve aktivitetane.

Ønskjer ein å kombinere dette opplegget med "Skulen i gamle dagar" må ein hugse å legge til ca. 45 min ekstra tid.

**Viktig til deg som er lærar: **

Vi er mykje ute og inne i kalde, antikvariske hus, så elevar og lærar må kle seg etter været!
Ønskjer ein å ete niste på museet må ein opplyse om dette i bestillinga og rekne ekstra tid.
Vi har uteleikar til utlån (stylter, ringspel) Gje beskjed i bestillinga om de ønskjer å bruke dette til eigenaktivitet.
Vi har avgrensa tilgang i tunet og i dei antikvariske husa for besøkande med nedsett funksjonsevne, men vi kan legge til rette for tilkomst i Østanstadstova og skulestova. Gje oss beskjed i god tid om de treng tilrettelegging.